INTERFICERE – Dicamus aliter!

In sermone Latino sunt multa verba synonyma ad dicendum ‚interficere‘, ’necare‘, quorum nonnulla hac in pagina comparavi. Scitisne plura?

alicui mortem afferre

• afferō, attulī, allātum, afferre
• ‚interficere‘

caedere

• caedō, cecīdī, caesum, caedere
• 1.: ‚percutere aut aliquō instrūmentō acūtō secāre atque in solum prōsternere‘
  • et maiōrēs et magis rāmōsās arborēs caedere
  • aliquem verberibus caedere
  • aliquem flagellīs/virgīs ad mortem caedere
• 2.: ‚vī allātā interficere‘
  • cīvēs caedere
  • mīlitēs caedere
  • bovēs caedere

Verbum caedendi alias quoque significationes habet, quae non pertinent ad necem.

concīdere

• con + caedere
• concīdō, concīdī, concīsum, concīdere
• ’simul aut minūtātim caedere‘; saepe ad rem militarem refert
  • urbēs / aedificia concīdere
  • memoriam concīdere
  • exercitum / cōpiās / equitātum concīdere

cruciāre

• cruciō, cruciāvī, cruciātum, cruciāre
• 1.: ‚crucī affīgere‘
• 2.: ‚torquēre‘, ‚dolōrem afferre‘

crucifīgere

• crucifīgō, crucifīxī, cruxifīxum, crucifīgere
• ‚crucī affīgere‘

dēlēre

• dēleō, dēlēvī, dēlētum, dēlēre
• 1.: ‚ad nihilum redigere‘
  • oppida dēlēre
  • aedificia dēlēre
  • memoriam dēlēre
• 2.: etiam de hominibus dicitur: ‚exstinguere‘, ‚perdere‘, ‚interficere‘
  • hostēs dēlēre
  • senātum dēlēre
  • exercitum dēlēre

dīlaniāre

• dīlaniō, dīlaniāvī, dīlaniātum, dīlaniāre
• ‚in diversās partēs laniāre, lacerāre‘
  • aliquem tormentīs dīlaniāre

ēnecāre

• ēnecō, ēnecuī (!), ēnectum (!), ēnecāre
• ‚lentē necāre‘; etiam: ’suffōcāre‘
  • venēno ēnectus
  • fame ēnectus

alicui vītam ēripere

• ēripiō, ēripuī, ēreptum, ēripere
• ‚interficere‘, ’necare‘

aliquem vitā expellere

• expellō, expulī, expulsum, expellere
• ‚interficere‘, ’necāre‘

exstinguere

• exstinguō, exstīnxī, exstīnctum, exstinguere
• 1.: ‚dēlēre‘, ‚opprimere‘; dictur imprimis de igne et luminibus
  • incendium exstinguere
  • facēs exstinguere
  • lucernam exstinguere
• 2.: dicitur etiam de liquoribus: ‚exsiccare‘
  • aquam exstinguere
  • mammās exstinguere
• 3.: ‚vitā privāre‘, ‚interficere‘
  • puerum exstinguere
  • liberōs exstinguere
• 4.: ‚viribus privare‘, ‚dēlēre‘
  • alicuius grātiam exstinguere
  • senātum exstinguere
  • invidiam exstinguere
  • memoriam exstinguere

immolāre

• in + mola (mola: ‚farīna vel far tostum, quō hostiae asperguntur‘)
• immolō, immolāvī, immolātum, immolāre
• 1.: ‚victimam molā aspergere‘
  • bovēs immolāre
• 2.: ’sacrificāre‘, ‚interficere (deō)‘
  • animālia capta immolāre
  • Diānae vitulum immolāre

alicui mortem inferre

• īnferō, intulī, illātum, īnferre
• ‚interficere‘

interficere

• interficiō, interfēcī, interfectum, interficere
• 1.: ‚cōnsūmere‘, ‚finīre‘
  • fragmenta panis interficere
• 2.: ‚dēlēre‘
  • messēs dēlēre
  • ūsum dēlēre
• 3.: ‚occīdere‘, ‚interimere‘
  • lēgatum interficere
  • ferās interficere

interimere

• interimō, interēmī, interēmptum, interimere
• ‚dē mediō tollere‘, ‚interficere‘, ‚dēlēre‘
  • stirpem frātris virīlem interimere
  • aliquem per fraudem interimere

iugulāre

• iugulō, iugulāvī, iugulātum, iugulāre
• ‚iugulum incīdere‘, etiam: ‚interficere iugulō incīsō‘ (iugulum ‚pars collī anterior‘)
  • gladius, quō noxiī iugulantur

laniāre

• laniō, laniāvī, laniātum, laniāre
• ‚lacerāre‘, ’scindere‘, ‚comminuere‘; dicitur saepe de lupis canibusque
  • morsibus canum laniātus

mactāre

• mactō, mactāvī, mactātum, mactāre
• 1.: ‚augēre‘, ‚magnificāre‘
• 2.: ‚honōrem alicuius augēre‘, ‚aliquem honōre afficere‘
  • aliquem māgnō triumphō mactāre
• 3.: deum sacrificiīs honōrāre: hostiam ‚interficere‘
  • hostiam mactāre
  • taurum Neptūnō mactāre

aliquem usque ad mortem mulcāre

• mulcō, mulcāvī, mulcātum, mulcāre
• ‚pulsāre‘, ‚percutere‘

necāre

• necō, necāvī, necātum, necāre
• 1.: proprie: ’sine ictū vel sine vulnere interficere‘
• 2.: ‚interficere‘ in universum
  • aliquem venēnō necāre

aliquem mortī obicere

• obiciō, obiēcī, obiectum, obicere
• ‚aliquem consultō interfici sinere‘
  • cōnsulem mortī obicere

obtruncāre

• obtruncō, obtruncāvī, obtruncātum, obtruncāre
• ‚concīdere‘, ‚trūcīdāre‘, ‚comminuere‘
  • cervōs obtruncāre

occīdere

• ob + caedere
• occīdō, occīdī, occīsum, occīdere
• 1.: ‚vehementer caedere‘, ‚comminuere‘
• 2.: ‚interficere‘, ’necāre‘

alicui mortem offerre

• offerō, obtulī, oblātum, offerre
• ‚interficere‘

percutere

• percutiō, percussī, percussum, percutere
• ‚interficere‘, praecipuē ‚pulsāndō interficere‘
  • rēgem gladiō percutere
  • victimam secūre percutere

Verbum percutiendi habet alias quoque significationes.

perimere

• perimō, perēmī, perēmptum, perimere
• 1.: ‚omnīnō dēlēre‘, ‚auferre‘
  • Trōiam perimere
• 2.: ‚interficere‘, ‚dē mediō tollere‘
  • mātrem perimere
  • bēstiam perimere

aliquem vitā / lūce prīvāre

• prīvō, prīvāvī, prīvātum, prīvāre
• ‚interficere‘

sacrificāre

• sacrificō, sacrificāvī, sacrificātum, sacrificāre
• 1.: intransitivum ’sacra facere‘
  • Iovī vīvō argentō sacrificāre
• 2.: transitivum ‚hostiam interficere‘
  • suem sacrificāre
  • mustum Liberō sacrificāre

sternere

• sternō, strāvī, strātum, sternere
• ‚interficere‘
  • corpora sternere
  • aliquem mortī sternere
  • aliquem subitā morte sternere

strangulāre

• strangulō, strangulāvī, strangulātum, strangulāre
• ‚gulā compressā spīritum praeclūdere‘
  • patrem strangulāre
  • ānserem strangulāre

suffōcāre

• sub + faucēs
• suffōcō, suffōcāvī, suffōcātum, suffōcāre
• ‚faucibus cōnstrīctīs spīritum praeclūdere‘, ‚efficere nē quis spīret‘
  • patrem suffōcāre
  • etiam translate: urbem et Itāliam fame suffōcāre

aliquem dē mediō tollere

• tollō, sustulī, sublātum, tollere
• ‚interficere‘, ‚auferre‘

trucīdāre

• trucīdō, trucīdāvī, trucīdātum, trucīdāre
• ‚crūdeliter caedere‘, ‚plūribus vulneribus interficere‘, ‚comminuere‘
  • captōs sicut pecora trucīdāre

Die Solis uniuscuiusque hebdomadis novam paginam in lucem edo. Hic invenies alias paginas omnino aut partim Latine conscriptas:

• Quattuor adagia de suibus
• Tria adagia de oleo
• Aeneis 1.223-253
• Disce mecum! #5 De venenis
• Disce mecum! #3 – De thermis

---

---

Abonnieren Sie meinen Newsletter!